هكذا كيفاش تنظم وقتك باش ترتاح في كل مهامك اليومية

كلما كبرنا في السن كلما زادت مسؤوليات جداد علينا ، وبما انه تنبقاو ماشين بنفس النظام بدون تغييرتيتسبب لينا هدشي الإجهاد النفسي فاش تيكثارو عليك المهام واخا تيكون عندق وقت كافي لكن ، استغلالك ليه تيكون ماخاضعش لستراتيجية تزيد في الإنتاجية ديالك كيفما كان ميدانك ، كانين بزاف ديال الطرق لي غنقسموهم على مراحل ، باش مانصدقوش خالعينكم بكثرة التفاصيل لان التغيير تيجي بمراحل ، نحاولو نتقنو حاجة مور حاجة باش نقدو ندوزو لمراحل جديدة بنجاح.. واحد المقولة كنت في مراحل الإعدادي وبقات راسخة عندي تتقول : لو عطاوني 8 ساعات باش نقطع شجرة ، غاناخد 6 ساعات غير باش نمضّي الفأس وهدشي تيعني بعض المرات خاصك التقنية تعطل في تعلمها باش من بعد تعرف تحكم في طريقة توزيعك للمهام في كل يوم اليوم ختارينا 5 ديال الطرق باش نبداوهم من هد الليلة باش نولفهوم تدريجيا ونستقبلو بيهم الدخول المدرسي او العودة من العطلة بالنسبة للمستخدمين:

1- خاص نتنظم في راسي:

عمر ماكان المشكل عندنا في قلة الوقت ، بل المشكل في كيفية تسيير مهامنا ليتنقومو بيها كل مرة، عرف انه فاش تتنظم مهامك غتقدى تخرج الوقت الكافي باش دير مهام أخرى مع احترامك لدرجة أولوياتك ، إضافة لهدشي ، في المكتب ديالك او المكان لتتدرس فيه او تشتغل فيه ، خاصك تعلم نرتبو باش تريح تفكيرك اولا وتنعش ذاكرتك ، هدشي يقدر يبانليك عادي يدون أثر لكن شوف على المدى المتوسط والبعيد منذ بداية النظام ليبديتيه ..

2- نتعلم نقول “لّا”:

هدي من أعداء النظام في حياتك هي انك تتقول نعم واخا تتفكر ب لا ، نبسطو الأمور اكثر : تتكون خدام في موضوع وتيتصل بيك داك الشخص لي صاحبك او صاحب العائلة ، تيقوليك وا بان اصاحبي ، نتا واخا يكون غدا الإمتحان او مهمة في الشغل خاصك تكملها ، تتقوليه وتسناني دابا هانا جاي او عطيني واحد 15 دقيقة ونجيليك، وهذا أكبر غلط تترتكبو ، تعلم انك ترفض العروض بكل أدب لانك عمرهم يتقلقو منك ، أسهل حاجة تقدر تقول ، سمحليا اليوم عندي حاجات يتقضاو خليها من بعد —-> هنتا ربحتي بقائك في تنظيمك ( هدشي تيعاونك تبين على قوة شخصيتك للناس، هدي رسالة للناس لي تيعانيو من الآخرين لي ما تيضربوليهش الحساب ، كلشي منك او منكي لانك غادي ديما فين بغاو هما ، تعلم تبين نفسك وتبع بروغرامك ماشي ديال الناس )

3- تنحط تخطيط عكسي او Retroplanning :


هدي من أحسن العادات لي اذا تبعتيها غتريحك من داك stress المتواصل ، مثلا عند عمل او بحث خاصك ترجعو نهار الأربعاء ، خاصك تدير في بالك انه يومي الإثنين والثلاثاء ماغ تخدمش فيه وباتالي آخر أجل عندك للبحث هو يوم الأحد ، هدشي تتخلي هامش ليك تقدر يطراو حاجات كثار وتصدق في مشكلة ، وكذلك تتنقص القاعدة ديال خلي كلشي تا آخر دقيقة وهدشي ديما غتبقى متبوع وماعندكش الثوة تكمل مهمامك مزيان..

4- اختار مذكرة صغيرة باش نبدأ:

حاول دابا تبدأ تعلم ثقافة كتابة المهام ديالك ماشي تقول راك عاقل عليهم لأنك غاتنسى كلشي في الصباح، خد آخر 10 دقائق قبل ماتنعس ، كتب فيها اشنو غدا غدي دير من الصباح تال الليل ، علاش مذكرة صغيرة باش تبقا معاك فينما مشيتي وكل ما تسالي مهمة خاصك تدير عليها خط ، كتابة المهمات تتخضع لبزاف ديال المعايير ، اسم المهمة ، وقت معاش تبدأ وشحال والوقت باش تساليها ، زيد واحد 5 دقائق في كل مهمة باش ماتحسش بالزربة.

5- حط اولاياتي بين المهام ديالي:

من المهم انك تدير الفرق بين ماهو إستعجالي وماهو مهم بين المهام ليكتبتيها في قائمتك باش تعطي واحد الترتيب منطقي ليومك ، غير جرب هدشي الأسبوع الأول ورد علينا .
ماتحسش بنفسك انك اذا درتي هدشي غايشوفوك الناس باغي تبان او حاجة أخرى ، لكن نتا كون السباق لهد الخطوة قبل من الآخرين هدو باش خاصك تبدأ في الأول، باقي عندنا طريق طويلة لكن ماتخافوش ، حنا ماكانوعندنا حد نسمعو منو هدشي ، لي كبر منا راه تيوصل ويكمل طريقو ولي صغير ماعارفش بحالنا ، حاولو تكون نيشان مع نفسك اولا ومع الناس ، احترم أهدافك وصون المسار ديالك من الأول ، ما تنقولوش ليك هد الليلة غادي تولي سوبر غريت لكن من هنا خاصك تبدأ وتكمل الطريق كيق بداوه ناس معانا وربي يكمليكم بالخير .
كل ليلة حاول تحاسب نفسك في كل مهمة ما كملتيهاش ،عرف السبب وحاول تنصح نفسك بنفسك لانك قادر على حاجة غير خليك كلك إصرار.

الاسم

أخبار,27,أخبار من صحف,6,التوجيه الدراسي,4,التوظيف بالخارج,17,الهجرة للخارج,27,الوظيفة العمومية,102,توظيف,2,خدمات,12,فيديو,1,قطاع حكومي,101,قطاع خاص,94,مستجدات,118,نماذج مباريات,2,نموذج طلب خطي,1,anapec,44,
rtl
item
جديد الوظيفة - jadid alwadifa maroc: هكذا كيفاش تنظم وقتك باش ترتاح في كل مهامك اليومية
هكذا كيفاش تنظم وقتك باش ترتاح في كل مهامك اليومية
https://2.bp.blogspot.com/-Aqvby8A9tPc/WEm-3wFBHJI/AAAAAAAAJ4o/j4JGtUJynaoZE769bvj32k6TCCFkPXhjwCLcB/s400/gestion_temps_priorites.png
https://2.bp.blogspot.com/-Aqvby8A9tPc/WEm-3wFBHJI/AAAAAAAAJ4o/j4JGtUJynaoZE769bvj32k6TCCFkPXhjwCLcB/s72-c/gestion_temps_priorites.png
جديد الوظيفة - jadid alwadifa maroc
http://www.jadidwadifa.com/2016/12/Organizing-daily-tasks.html
http://www.jadidwadifa.com/
http://www.jadidwadifa.com/
http://www.jadidwadifa.com/2016/12/Organizing-daily-tasks.html
true
4605682838289678085
UTF-8
شاهد جميع المواضيع لا يوجد اي موضوع شاهد المزيد اتم القراءة Reply Cancel reply Delete بواسطة الرئيسية صفحات المقالات قد يعجبك أيضا : التصنيف الارشيف ابحث جميع مقالات لم يظهر اي موضوع الرجوع الى الرئيسية Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy